برطانیہ سے ’خسرہ سے پاک‘ ملک کا اسٹیٹس واپس لے لیا گیا

عالمی ادارہ صحت (WHO) نے برطانیہ سے اس کا “خسرہ سے پاک” ملک ہونے کا اسٹیٹس واپس لے لیا ہے۔ ذرائع کے مطابق یہ اقدام انگلینڈ میں 2024 میں خسرہ کے کیسز میں اضافے اور ایک بچے کی ہلاکت کے بعد کیا گیا۔

برطانیہ کو پہلی بار 2017 میں خسرہ سے پاک قرار دیا گیا تھا، اور یہ دوسری مرتبہ ہے جب ملک نے یہ اسٹیٹس کھویا ہے۔ WHO صرف انہی ممالک کو “خسرہ سے پاک” قرار دیتا ہے جہاں کیسز انتہائی کم ہوں، باہر سے آنے والے کیسز فوری قابو میں ہوں، اور وائرس پر جلدی کنٹرول حاصل ہو۔

خسرہ ایک انتہائی تیزی سے پھیلنے والا وائرس ہے، جو متاثرہ شخص کے سانس لینے، کھانسنے یا چھینکنے سے آسانی سے منتقل ہو سکتا ہے۔ انگلینڈ میں 2023، 2024 اور 2025 میں اس وباء کے غیر معمولی پھیلاؤ کے کیسز رپورٹ ہو چکے ہیں۔