جگر 80 فیصد تک متاثر ہونے پر بھی علامات ظاہر نہیں ہوتیں، ماہرین نے خبردار کردیا

متحدہ عرب امارات (UAE) کے ماہرینِ امراضِ جگر نے خبردار کیا ہے کہ جگر کی بیماریاں خصوصاً فیٹی لیور (MASLD) 10 سے 30 سال تک بغیر کسی واضح علامت کے خاموشی سے جسم میں پرورش پاتی رہتی ہیں۔ ماہرین کے مطابق جگر میں درد محسوس کرنے والے اعصابی ریشے نہیں ہوتے اور یہ عضو 70% سے 80% تک متاثر ہونے کے باوجود معمول کے مطابق کام جاری رکھتا ہے، جس کے باعث 30% سے 40% اماراتی بالغ افراد اس مرض کا شکار ہو چکے ہیں۔ ڈاکٹرز کا کہنا ہے کہ ٹائپ ٹو ذیابیطس کے 60% مریض فیٹی لیور کا شکار ہوتے ہیں، جبکہ اب نوجوان، جِم جانے والے اور غیر معیاری مسل سپلیمنٹس استعمال کرنے والے افراد بھی اس کی زد میں آ رہے ہیں۔ ماہرین نے زور دیا ہے کہ جگر کے مکمل ناکارہ ہونے، سروسس اور لیور ٹرانسپلانٹ سے بچنے کے لیے سالانہ فائبرو اسکین (FibroScan) اور بلڈ ٹیسٹ کروانا بے حد ضروری ہے۔