امریکا: ماہرین نے دو نئے وائرسز کے خطرے سے خبردار کر دیا

ماہرینِ صحت نے خبردار کیا ہے کہ دو نئے وائرس امریکہ میں صحتِ عامہ کے لیے بڑا خطرہ بن سکتے ہیں۔

جانوروں سے پھیلنے والا انفلوئنزا ڈی وائرس اور کتوں میں پایا جانے والا کورونا وائرس ابھی تک ماہرین کی نگرانی سے اوجھل رہے ہیں، جس پر محققین نے ایک نئی رپورٹ میں تشویش کا اظہار کیا ہے۔

فلوریڈا یونیورسٹی کے پروفیسر ڈاکٹر جان لیڈنکی کا کہنا ہے کہ دستیاب تحقیقی مواد سے پتہ چلتا ہے کہ یہ دونوں وائرس انسانوں میں سانس کی بیماریوں کا سبب بن سکتے ہیں، لیکن ان سے بچاؤ یا روک تھام کے لیے اب تک مؤثر اقدامات نہیں کیے گئے۔

ماہرین کے مطابق اگر یہ وائرس انسان سے انسان میں آسانی سے منتقل ہونے لگیں تو یہ وباؤں یا عالمی وباؤں کی صورت اختیار کر سکتے ہیں، کیونکہ زیادہ تر لوگوں میں ان کے خلاف قوتِ مدافعت موجود نہیں ہوگی