میرپور ماتھیلو میں زہریلا پانی پینے سے جاں بحق بچوں کی تعداد 5 ہوگئی

گھوٹکی کے گاؤں الٰہی بخش چھجن میں زہریلا پانی پینے سے جاں بحق ہونے والے بچوں کی تعداد 5 تک پہنچ گئی ہے۔ محکمہ صحت کے مطابق دو روز قبل بچوں نے کھیل کود کے دوران کپاس پر اسپرے کرنے والی کیڑے مار دوا کی خالی بوتل میں پانی ڈال کر پی لیا تھا، جس سے ان کی حالت غیر ہوگئی۔ تین بچے سکھر اسپتال منتقل کرتے ہوئے راستے میں دم توڑ گئے تھے، جبکہ ایک بچہ گزشتہ روز اور ایک آج زندگی کی بازی ہار گیا۔ تمام بچوں کی عمریں 7 سے 9 سال کے درمیان ہیں اور وہ آپس میں قریبی رشتہ دار تھے۔