تھرپارکر میں موت کا ڈیرا: غذاتی قلت 46 بچوں کی جانیں نگل گئی

تھرپارکر کے ضلعی ہیڈکوارٹر مٹھی کے سول ہسپتال میں گزشتہ تین ہفتوں کے دوران غذائی قلت اور مختلف امراض کے باعث 46 معصوم بچے دم توڑ گئے، جبکہ 70 بچے اب بھی زیر علاج ہیں۔

ایم ایس سول ہسپتال مٹھی کے مطابق گزشتہ 24 گھنٹوں میں جاں بحق ہونے والے تین بچوں کی عمریں ایک سال سے کم تھیں، اور وہ پیدائشی طور پر کم وزن اور مختلف بیماریوں میں مبتلا تھے۔ ہسپتال کے وارڈ میں گنجائش 70 بچوں کی ہے، لیکن اس وقت 76 بچے داخل ہیں۔

بیمار بچوں کے والدین کا کہنا ہے کہ ہسپتال کے انتہائی نگہداشت وارڈ میں طبی سہولیات کا شدید فقدان ہے، جس کی وجہ سے علاج میں مشکلات پیش آ رہی ہیں۔