کان کا پردا پھٹنے کی علامات اور فوری علاج

کان انسانی جسم کا نہایت حساس اور اہم حصہ ہے جو آواز سننے کی صلاحیت فراہم کرتا ہے۔ ماہرین کے مطابق کان میں درد، شور یا کم سنائی دینا بعض اوقات کان کے پردے کے پھٹنے کی نشانی بھی ہوسکتی ہے۔

ہندوستان ڈاٹ کام کے مطابق کان کے امراض کے ماہر ڈاکٹر سدھارتھ نے وضاحت کی ہے کہ کان کا پردہ کیوں پھٹتا ہے اور ایسی صورت میں کن احتیاطی تدابیر کی فوری ضرورت ہوتی ہے۔

کان کا پردہ کیا ہے؟

ٹمپنک میمبرین یعنی کان کا پردہ ایک نازک جھلی ہے جو بیرونی اور درمیانی کان کے درمیان ہوتی ہے۔ یہی جھلی آواز کی لہروں کو اندرونی حصے تک منتقل کرتی ہے۔ اگر یہ پردہ پھٹ جائے تو سننے کی صلاحیت متاثر ہوتی ہے۔

کان کے پردے کے پھٹنے کی اہم وجوہات

انفیکشن:

بیکٹیریا یا وائرس کا حملہ پردے کو کمزور کرکے اسے پھاڑ سکتا ہے۔

شدید شور:

دھماکے، اونچی آواز، ہوائی جہاز کے انجن یا اچانک بہت اونچی آوازیں کان کے پردے کو نقصان پہنچا سکتی ہیں۔

چوٹ:

کان میں ماچس، چمچ، ایئر بڈز یا کسی حادثاتی ضرب سے پردہ پھٹ سکتا ہے۔

پردہ پھٹنے کی علامات

اچانک اور شدید کان درد

کان سے پانی یا خون کا بہنا

سننے میں کمی

چکر آنا یا کان میں گرمائش

گھریلو احتیاطی تدابیر

ڈاکٹر سدھارتھ کے مطابق گرم پانی سے سکائی (گرم کپڑا کان کے نزدیک رکھنا) درد میں کمی لاسکتی ہے، لیکن اگر پانی بہہ رہا ہو یا تکلیف بڑھ جائے تو فوراً ڈاکٹر سے رجوع کرنا ضروری ہے۔

طبی علاج

آج کل “ٹمپنومپلاسٹی” نامی سرجری کے ذریعے کان کے پھٹے ہوئے پردے کو مکمل طور پر ٹھیک کیا جاتا ہے، جس سے مریض کی سننے کی صلاحیت بحال ہوجاتی ہے۔