سٹاک مارکیٹ میں اچانک مندی، ایک لاکھ 71 ہزار پوائنٹس کی حد بحال نہ رہ سکی

کاروباری ہفتے کے تیسرے روز بھی کاروبار کے آغاز پر سٹاک ایکسچینج میں مثبت رجحان دیکھنے میں آیا، 900 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 71 ہزار 392 پوائنٹس کی سطح پر پہنچ گیا۔

تاہم ٹریڈنگ کے دوران سٹاک ایکسچینج میں اچانک مندی دیکھنے میں آئی، انڈیکس کم ہو کر ایک لاکھ 69 ہزار پوائنٹس کی سطح پر آ گیا۔واضح رہے کہ گزشتہ کاروباری دن کے اختتام پر انڈیکس 294 پوائنٹس کی کمی کیساتھ ایک لاکھ 70 ہزار 447 پوائنٹس کی سطح پر بند ہوا تھا۔دوسری جانب انٹر بینک میں امریکی کرنسی مستحکم ہونے پر ڈالر 280.30 روپے پر برقرار ہے۔