ذیابیطس سے بچاؤ کےلیے کتنی نیند ضروری ہے؟

BMJ Open Diabetes Research & Care میں شائع ہونے والی تحقیق میں نیند کے دورانیے اور انسولین کی حساسیت کے تعلق کا جائزہ لیا گیا۔ ماہرین کے مطابق نیند جسمانی آرام کے ساتھ ساتھ بلڈ شوگر کے نظام کو متوازن رکھنے میں بھی اہم کردار ادا کرتی ہے۔

تحقیق میں نیشنل ہیلتھ اینڈ نیوٹریشن ایگزامینیشن سروے کے تقریباً 23 ہزار افراد کے ڈیٹا کا تجزیہ کیا گیا۔ نتائج سے پتہ چلا کہ ہفتہ وار چھٹی کے دن تقریباً 8 گھنٹے نیند لینا بھی مثبت اثر ڈال سکتا ہے، خاص طور پر ان افراد کے لیے جو عام دنوں میں مناسب نیند نہیں لے پاتے۔

ماہرین کا کہنا ہے کہ روزانہ ایک ہی وقت پر سونا اور جاگنا نہ صرف جسمانی نظام کو متوازن رکھتا ہے بلکہ ذیابیطس جیسے امراض سے بچاؤ میں بھی مددگار ہے۔ تحقیق یہ واضح کرتی ہے کہ باقاعدہ اور معیاری نیند صحت کے لیے انتہائی ضروری ہے۔