آٹو ڈسیبل سرنج کے دو نمونوں کوغیر معیاری قرار دے دیا ہے

سندھ ڈرگ ٹیسٹنگ لیبارٹری (SDTL) نے آٹو ڈسیبل سرنجوں کے 2 نمونوں کو غیر معیاری قرار دے دیا ہے۔ ڈی جی ایس ڈی ٹی ایل عدنان رضوی کے مطابق خیبرپختونخوا کی ایک فارما کمپنی کی تیار کردہ 3 ملی لیٹر اور 5 ملی لیٹر آٹو ڈسیبل سرنجوں کے ٹیسٹ کے دوران خودکار حفاظتی نظام (آٹو ڈسیبل) اور ری یوز فیچر ناکام رہے، جس کے باعث یہ سرنجیں ‘میڈیکل ڈیوائس رولز 2017‘ کے معیار پر پورا نہیں اتر سکیں۔ لیبارٹری نے خبردار کیا ہے کہ غیر معیاری سرنجیں انجیکشن کے محفوظ استعمال کے لیے شدید خطرہ بن سکتی ہیں۔ اس سلسلے میں باضابطہ ٹیسٹ رپورٹس ڈرگ انسپکٹر کراچی ایسٹ اور سیکریٹری کوالٹی کنٹرول بورڈ کو ارسال کر دی گئی ہیں تاکہ فوری قانونی و انتظامی کارروائی کی جا سکے۔