غیر ملکی میڈیکل گریجویٹس کے لیے نیشنل رجسٹریشن امتحان کے پہلے مرحلے کے نتائج کا اعلان

غیر ملکی میڈیکل گریجویٹس کے لیے نیشنل رجسٹریشن امتحان (نمز) کے پہلے مرحلے کے نتائج کا اعلان کر دیا گیا ہے۔ امتحان نیشنل یونیورسٹی آف میڈیکل سائنسز (NUMS) کے زیر انتظام منعقد ہوا، اور پرچہ سازی، نتائج کی تیاری اور حتمی اعلان سمیت تمام مراحل نمز کو سونپے گئے۔

مجموعی طور پر 7,076 امیدواروں نے رجسٹریشن کروائی، جن میں 6,993 میڈیکل اور 83 ڈینٹل کے امیدوار شامل تھے۔ امتحان میں 7,012 امیدوار شریک ہوئے، جن میں سے 1,473 امیدوار کامیاب قرار پائے، جس میں 1,467 میڈیکل اور 6 ڈینٹل امیدوار شامل ہیں۔ میڈیکل امیدواروں کی کامیابی کی شرح 21.17 فیصد جبکہ ڈینٹل امیدواروں کی شرح 7.23 فیصد رہی۔ امتحان 14 دسمبر 2025 کو منعقد ہوا، اور 64 امیدوار غیر حاضر رہے۔

نمز کے تحت غیر ملکی میڈیکل گریجویٹس کے لیے سال میں دو امتحانات لازمی ہیں۔ اس سے قبل 25 جون 2025 کو امتحان ہوا تھا، جس میں 5,035 امیدواروں نے رجسٹریشن کروائی، 4,994 امیدوار شریک ہوئے اور 1,252 کامیاب ہوئے تھے۔ اس مرحلے میں میڈیکل کامیابی کی شرح 25.26 فیصد رہی جبکہ 41 امیدوار غیر حاضر تھے۔

دونوں مراحل میں کامیاب امیدواروں کو اندرون یا بیرونِ ملک ہاؤس جاب کے لیے عارضی رجسٹریشن سرٹیفکیٹس جاری کیے جائیں گے۔