عالمی و مقامی سطح پر سونے اور چاندی کی قیمتوں میں ریکارڈ کمی

عالمی اور مقامی دونوں مارکیٹوں میں سونے اور چاندی کی قیمتوں میں حالیہ ریکارڈ تیزی کو بریک لگ گیا۔

مقامی صرافہ مارکیٹ کے مطابق 24 قیراط فی تولہ سونا 5 ہزار 500 روپے سستا ہو کر 4 لاکھ 70 ہزار 162 روپے کی سطح پر آ گیا ہے، اسی طرح 10 گرام سونے کی قیمت میں 4 ہزار 715 روپے کمی ہوئی جس کے بعد نئی قیمت 4 لاکھ 3 ہزار 88 روپے مقرر ہو گئی ہے۔

عالمی مارکیٹ میں چاندی کی قیمت میں بھی کمی دیکھی گئی، 24 قیراط فی تولہ چاندی 284 روپے سستی ہو کر 6 ہزار 923 روپے پر آ گئی۔

دوسری جانب انٹرنیشنل مارکیٹ میں بھی سونے کی قیمت میں کمی ریکارڈ کی گئی جہاں فی اونس سونا 55 ڈالر سستا ہو کر 4 ہزار 478 ڈالر پر آ گیا ہے۔