پروسٹیٹ کینسر کیلئے نئی دوا کی آزمائش

کینسر کے ماہرین نے جدید مرحلے کے پروسٹیٹ کینسر کے لیے تیار کی گئی ایک نئی امیونو تھراپی کے نتائج کو گیم چینجر قرار دیا ہے۔ امریکن سوسائٹی آف کلینیکل آنکولوجی (ASCO) کے حالیہ سمپوزیم میں پیش کی گئی رپورٹ کے مطابق، یہ دوا جسم کے مدافعتی نظام کو کینسر کے خلاف اس طرح متحرک کرتی ہے کہ نہ صرف رسولیاں سکڑ جاتی ہیں بلکہ ان کی مزید نمو بھی رک جاتی ہے۔ ماہرین کا کہنا ہے کہ ماضی میں امیونو تھراپی پروسٹیٹ کینسر کے خلاف زیادہ مؤثر ثابت نہیں ہوئی تھی، لیکن یہ نئی دوا امید کی ایک نئی کرن بن کر ابھری ہے۔