پی آئی اے کی نجکاری آج، 75 فیصد حصص کیلئے بولیاں لگائی جائیں گی

پی آئی اے کی نجکاری کا عمل آج شروع ہوگا، نجکاری کمیشن 75 فیصد حصص کے لیے بولی منعقد کرے گا۔ بولی دہندگان کی جانب سے سیل شدہ بولیاں صبح 10:30 بجے جمع کرائی جائیں گی، جبکہ ریفرنس قیمت کی منظوری نجکاری کمیشن بورڈ اور کابینہ کمیٹی برائے نجکاری دے گی۔

بولیاں دوپہر 3:30 بجے ایک تقریب میں بولی دہندگان کی موجودگی میں کھولی جائیں گی، جہاں بولیوں اور ریفرنس قیمت کا اعلان کیا جائے گا۔ نجکاری کا عمل طے شدہ ضوابط کے مطابق مکمل کیا جائے گا۔

51 سے 100 فیصد حصص کی فروخت سے حاصل رقم کا 92.5 فیصد پی آئی اے پر خرچ ہوگا، جبکہ 7.5 فیصد قومی خزانے میں جمع ہوگا۔ بین الاقوامی آبزرورز بولی کے عمل کی نگرانی کے لیے اسلام آباد پہنچ گئے ہیں۔ ایوی ایشن ماہر تبسم پردیسی کے مطابق پی آئی اے کی کامیاب نجکاری معیشت کے لیے اہم ہے اور بڑے بزنس گروپس کے پاس واضح بزنس پلان موجود ہے۔