فلو کے بعد کئی ہفتوں تک کھانسی، کن حالات میں خطرناک؟

فلو یا شدید نزلہ زکام کے بعد کئی ہفتوں تک کھانسی برقرار رہنا عام بات ہے، جس کی بنیادی وجہ یہ ہے کہ سانس کی نالی مکمل طور پر ٹھیک نہیں ہوئی ہوتی اور حساس رہتی ہے۔ ماہرین کے مطابق ناک یا سائنَس سے نکلنے والا بلغم، دمہ، الرجی یا معدے کی تیزابیت کھانسی کو طول دے سکتی ہیں۔

سگریٹ نوشی اور آلودہ ماحول بھی سانس کی نالی میں سوزش پیدا کر کے کھانسی کی شدت اور مدت بڑھاتے ہیں۔ ماہرین خبردار کرتے ہیں کہ اگر کھانسی آٹھ ہفتوں سے زیادہ برقرار رہے یا سانس لینے میں دشواری، سینے میں درد یا خون آنا جیسی علامات ظاہر ہوں تو فوراً ڈاکٹر سے رجوع کریں۔