پی ایم اینڈ ڈی سی کی ہاؤس جاب میں داخلے کیلئے نئی ہدایات جاری

پاکستان میڈیکل اینڈ ڈینٹل کونسل (PM&DC) نے ملک بھر کے میڈیکل اور ڈینٹل اداروں میں ہاؤس جاب کے طریقہ کار کو شفاف بنانے اور قانونی ضوابط پر عملدرآمد یقینی بنانے کے لیے سخت ہدایات جاری کر دی ہیں۔ کونسل نے واضح کیا ہے کہ اب کسی بھی گریجویٹ کو عبوری لائسنس (Provisional License) کے بغیر ہاؤس جاب شروع کرنے کی اجازت نہیں ہوگی۔

ڈائریکٹر پی ایم اینڈ ڈی سی کے مطابق، جو ہسپتال یا ادارے ان ہدایات کی خلاف ورزی کریں گے اور بغیر لائسنس ڈاکٹروں کو ہاؤس جاب کی اجازت دیں گے، ان کے خلاف سخت قانونی کارروائی کی جائے گی۔ اس اقدام کا مقصد شعبہ طب میں غیر قانونی پریکٹس کو روکنا اور مریضوں کے تحفظ کو یقینی بنانا ہے۔