بیرون ملک میڈیکل اور ڈینٹل اداروں میں داخلے کے خواہشمند پاکستانی طلبہ کیلئے اہم فیصلہ

پاکستان میڈیکل اینڈ ڈینٹل کونسل (پی ایم ڈی سی) نے بیرون ملک میڈیکل اور ڈینٹل اداروں میں داخلے کے خواہشمند پاکستانی طلبہ کے لیے اہم فیصلہ کرتے ہوئے ایم ڈی کیٹ پاس کرنے کی لازمی شرط ختم کر دی ہے۔ اس حوالے سے باضابطہ نوٹیفکیشن جاری کر دیا گیا ہے۔ پی ایم ڈی سی کے مطابق یہ فیصلہ 14 ستمبر 2026 کے کونسل اجلاس میں کیا گیا تھا، جس کا باضابطہ اعلامیہ 5 اکتوبر 2026 کو جاری کیا گیا ہے۔ یہ نیا فیصلہ بیرون ملک میڈیکل کی تعلیم حاصل کرنے والے تمام پاکستانی طلبہ پر لاگو ہوگا۔