رات کے وقت پستے کھانے کے حیران کن فوائد سامنے آ گئے

ایک نئی تحقیق میں معلوم ہوا ہے کہ رات کے وقت پستے کھانا آنتوں کی صحت، سوزش میں کمی اور قوتِ مدافعت کے لیے انتہائی مفید ثابت ہو سکتا ہے، بالخصوص پری ڈائیبیٹیز کے شکار افراد میں۔

امریکا میں 51 بالغ افراد پر کی گئی تحقیق کے مطابق رات کے وقت پستے کھانے سے آنتوں کے بیکٹیریا مثبت انداز میں متاثر ہوتے ہیں۔ تحقیق میں بتایا گیا کہ اگر رات کو ٹوسٹ جیسے کاربوہائیڈریٹ والے اسنیکس کی جگہ پستے کھائے جائیں تو آنتوں میں بسنے والے مفید جرثوموں کی تعداد میں اضافہ ہوتا ہے اور مائیکروبائیوم صحت مند سمت میں بدل جاتا ہے۔

اس سے پہلے 2023 میں جرنل فوڈز میں شائع ہونے والی تحقیق نے بھی ثابت کیا تھا کہ پستے دیگر خشک میوہ جات کے مقابلے میں آنتوں کے مفید بیکٹیریا کی تعداد بڑھانے میں زیادہ مؤثر ہیں۔ ماہرین کے مطابق یہ غذائی اہمیت کے ٹھوس شواہد ہیں، اور رات کے اسنیک کے طور پر پستے بہترین انتخاب ہیں۔