پاکستان میں نیوکلیئر ٹیکنالوجی کا پر امن استعمال،خود آئی اے ای اے بھی معترف

عالمی ایٹمی توانائی ایجنسی (آئی اے ای اے) کے ڈائریکٹر جنرل نے اپنے پیغام میں کہا ہے کہ کینسر کے خلاف جنگ میں پاکستان اٹامک انرجی کمیشن (پی اے ای سی) کا کردار قابلِ ستائش ہے۔ انہوں نے بتایا کہ پاکستان میں ہر سال ایک لاکھ سے زائد افراد کینسر کے باعث جان کی بازی ہار جاتے ہیں، جس سے نمٹنے کے لیے پی اے ای سی نے ملک بھر میں 21 کینسر اسپتال قائم کیے ہیں۔

ڈی جی آئی اے ای اے نے کہا کہ کینسر کے علاج کے لیے ماہرین پر مشتمل پیشہ ورانہ ٹیم کی تیاری ایک بڑی کامیابی ہے جو بلاشبہ تحسین کے لائق ہے۔

انہوں نے اسلام آباد کے نوری اسپتال میں پاکستان کے پبلک سیکٹر میں سائبر نائف کی پہلی سہولت کے باضابطہ افتتاح کو باعثِ فخر قرار دیتے ہوئے کہا کہ نوری اسپتال کا بطور آئی اے ای اے ریز آف ہوپ اینکر سنٹر پارٹنرشپ کلیدی اہمیت رکھتا ہے۔

اس کے علاوہ ڈی جی آئی اے ای اے نے آزاد کشمیر میں کشمیر انسٹی ٹیوٹ آف نیوکلیئر میڈیسن، اونکولوجی اینڈ ریڈیوتھراپی کے قیام پر بھی پاکستان اٹامک انرجی کمیشن کو مبارکباد پیش کی۔