پاکستان میں ٹیلی میڈیسن سینٹرز فعال، دور دراز علاقوں میں آن لائن علاج کا آغاز

پاکستان میں ٹیلی میڈیسن کے 10 سنٹرز قائم کیے گئے ہیں جن میں پہلا اسلام آباد کے پہاڑوں میں اور دوسرا کراچی میں شروع ہوا ہے۔ بھمبھر کے بنیادی مرکز صحت میں اب علاج کی سہولت دستیاب ہے، جہاں پہلے ڈاکٹر نہیں تھے۔

سید مصطفی کمال کے مطابق صحت کہانی کے پاس پانچ ہزار آن لائن ڈاکٹرز ہیں جو دور بیٹھ کر مریضوں کا علاج کریں گے، جس سے معمولی بیماریاں جیسے زکام، بخار اور درد کے مریضوں کو بڑے اسپتالوں کا رخ کم کرنا ممکن ہوگا۔ کراچی کے سنٹر میں قطر میں بیٹھے ڈاکٹرز بھی مریضوں کا آن لائن معائنہ کر رہے ہیں۔

انہوں نے کہا کہ ٹیلی میڈیسن کے ذریعے خواتین ڈاکٹرز دوبارہ فعال ہو رہی ہیں، اسپیشلسٹ پورے ہفتے علاج فراہم کریں گے اور مراکز شام تک کھلے رہیں گے۔ اس سے ماں اور بچے کی صحت کی بہتری اور بیماریوں پر قابو پانے میں مدد ملے گی