2025میں سکوک بانڈز کا تاریخی سنگِ میل، وزارتِ خزانہ نے نیا ریکارڈ قائم کر دیا
Web Desk
29 December 2025
مشیر وزیر خزانہ خرم شہزاد نے سکوک بانڈز کے اجراء کے حوالے سے اہم بیان دیتے ہوئے کہا ہے کہ وزارتِ خزانہ نے سال 2025 میں اسلامی مالیاتی آلات کے میدان میں ایک تاریخی ریکارڈ قائم کر دیا ہے۔
ان کا کہنا تھا کہ ایک سال میں 2 کھرب روپے سے زائد مالیت کے سکوک بانڈز جاری کئے گئے، جو 2008 کے بعد بلند ترین سالانہ سطح ہے۔ 2025 کے دوران وزارتِ خزانہ نے مجموعی طور پر 61 سکوک کے اجراء کو کامیابی سے مکمل کیا۔
خرم شہزاد کے مطابق ایک، تین، پانچ اور دس سالہ مدت کے سکوک جاری کئے گئے جن میں فکسڈ اور ویری ایبل ریٹ ریٹرن سکوک شامل ہیں۔ سال 2025 میں مجموعی شریعہ کمپلائنٹ اجراء 2.5 کھرب روپے تک پہنچ گیا۔
مشیر وزیر خزانہ نے بتایا کہ پاکستان کا پہلا گرین سکوک بھی کامیابی سے لانچ کیا گیا جسے 5.4 گنا زائد سبسکرپشن حاصل ہوئی۔ گرین سکوک کے اثاثوں میں پاکستان ریلوے، این ایچ اے، پی اے اے اور دیگر سرکاری ادارے شامل ہیں۔
خرم شہزاد کے مطابق 2019 سے 2025 کے دوران مجموعی سکوک اجراء 8.7 کھرب روپے تک پہنچ چکا ہے، جبکہ ملک میں موجود سکوک کا حجم 6.6 کھرب روپے ہو گیا ہے۔ مجموعی شریعہ کمپلائنٹ حکومتی قرضہ 7.1 کھرب روپے تک پہنچ چکا ہے۔
انہوں نے بتایا کہ دسمبر 2025 تک حکومتی قرض میں اسلامی مالیاتی آلات کا حصہ 14.5 فیصد رہا، جبکہ جون 2025 میں یہ شرح 12.6 فیصد تھی۔ وزارتِ خزانہ نے 2028 تک اسلامی قرضوں کا حصہ 20 فیصد تک بڑھانے کا ہدف مقرر کر رکھا ہے۔
مشیر وزیر خزانہ کا کہنا تھا کہ ان اقدامات سے سرمایہ کاروں کے اعتماد میں اضافہ ہوا ہے، حکومتی قرض کے نظم و نسق میں بہتری آئی ہے اور ملکی معیشت کے استحکام اور طویل المدتی ترقی میں مدد ملی ہے۔
متعلقہ عنوانات
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور
17 November 2026
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
مال گاڑی کو حادثہ، انجن سمیت 5 بوگیاں پٹری سے اتر گئیں
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
ایران کا آبنائے ہرمز کے قریب امریکی ڈرون قبضے میں لینے کا دعویٰ
17 November 2026
لاہور: مدرسے میں تاخیر سے پہنچنے پر قاری کا طالبعلم پر تشدد
17 November 2026
باب المندب سے فورسز کا انخلا، سعودیہ نے اتحادی فوج کا کمانڈر بدل دیا
17 November 2026
حکومت اور جماعت اسلامی کے مذاکرات کا آخری دور 19 نومبر کو ہوگا: لیاقت بلوچ
17 November 2026