ملک بھر کے منتخب 115 اضلاع میں آج سے قومی انسدادِ پولیو مہم کا آغاز

پاکستان بھر کے منتخب 115 اضلاع میں ایک بار پھر وسیع پیمانے پر ذیلی قومی انسدادِ پولیو مہم کا باضابطہ آغاز ہو گیا ہے۔ نیشنل ایمرجنسی آپریشنز سینٹر (EOC) کے مطابق اس مہم کے دوران 5 سال سے کم عمر کے 3 کروڑ 10 لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے۔ پولیو قطرے پلانے کی اس عظیم مہم میں ملک بھر میں 2 لاکھ 73 ہزار سے زائد پولیو ورکرز اور سیکیورٹی اہلکار حصہ لے رہے ہیں۔

تفصیلات کے مطابق پنجاب کے 13 اضلاع میں 1 کروڑ 6 لاکھ بچوں، سندھ کے 30 اضلاع میں 1 کروڑ بچوں اور خیبر پختونخوا کے 37 اضلاع میں 73 لاکھ بچوں کو پولیو سے بچاؤ کی ویکسین پلائی جائے گی۔ نیشنل ای او سی کے مطابق بلوچستان کے 32 اضلاع میں 23 لاکھ، وفاقی دارالحکومت اسلام آباد میں 4 لاکھ 47 ہزار جبکہ گلگت بلتستان کے 2 اضلاع میں 1 لاکھ 37 ہزار بچوں کو قطرے پلانے کا ہدف رکھا گیا ہے تاکہ ملک سے اس موذی مرض کا مکمل خاتمہ ممکن بنایا جا سکے۔