پاکستان سٹاک ایکسچینج میں تیزی برقرار، ڈالر کی قدر میں کمی

پاکستان سٹاک ایکسچینج میں مسلسل تیزی کا رجحان برقرار ہے جبکہ کرنسی ایکسچینج مارکیٹ میں ڈالر کی قیمت میں بھی کمی ریکارڈ کی گئی ہے۔

کاروباری ہفتے کے پہلے روز سٹاک مارکیٹ میں ابتدا میں منفی رجحان دیکھا گیا، تاہم کچھ ہی دیر بعد مارکیٹ مثبت زون میں چلی گئی۔ 29 پوائنٹس کے اضافے سے 100 انڈیکس ایک لاکھ 71 ہزار 443 پوائنٹس پر ٹریڈ کرتا رہا۔ گزشتہ ہفتے بھی مثبت رجحان کے باعث انڈیکس ملکی تاریخ کی بلند ترین سطح پر پہنچا تھا۔

دوسری جانب انٹربینک مارکیٹ میں ڈالر کی قدر میں کمی کا سلسلہ جاری ہے۔ ایکسچینج کمپنیز ایسوسی ایشن کے مطابق 5 پیسے کمی کے بعد انٹر بینک میں ڈالر کی قیمت 280 روپے 20 پیسے ہو گئی ہے۔