پاکستان سٹاک ایکسچینج میں تیزی، انڈیکس تاریخ کی بلند ترین سطح پر پہنچ گیا

پاکستان اسٹاک ایکسچینج میں مثبت رجحان کا سلسلہ برقرار ہے اور کاروباری ہفتے کے دوسرے روز بھی مارکیٹ میں زبردست تیزی دیکھنے میں آئی۔ کاروبار کے آغاز پر ہنڈرڈ انڈیکس 800 سے زائد پوائنٹس کے اضافے کے ساتھ بڑھ کر ایک لاکھ 74 ہزار 805 پوائنٹس کی نئی بلند ترین سطح پر پہنچ گیا۔

مارکیٹ میں مختلف اہم شعبوں میں بھرپور خریداری کا رجحان دیکھا جا رہا ہے، جن میں گاڑی ساز کمپنیاں، سیمنٹ، تجارتی بینک، کھاد، تیل و گیس کی تلاش و پیداوار کرنے والی کمپنیاں، آئل مارکیٹنگ کمپنیز، بجلی کی پیداوار اور ریفائنریز شامل ہیں۔ ایس ایس جی سی، پی او ایل، پی ایس او، پی پی ایل، او جی ڈی سی، ماری، ایم ای بی ایل، ایم سی بی، ایس این جی پی ایل اور این بی پی کے حصص بھی مثبت زون میں کاروبار کرتے دکھائی دیئے۔