پاکستان کی پولیو خاتمے کی کوششیں: عائشہ رضا فاروق نے WHO DG سے ملاقات کی

جنیوا: وزیراعظم کی پولیو کی فوکل پرسن عائشہ رضا فاروق نے ڈبلیو ایچ او کے ڈائریکٹر جنرل ڈاکٹر ٹیڈروس سے جنیوا میں ملاقات کی اور پاکستان میں پولیو کے خاتمے کے لیے جاری اقدامات پر تبادلۂ خیال کیا۔

نیشنل ای او سی کے مطابق عائشہ رضا فاروق نے پولیو کے خاتمے کے لیے ڈبلیو ایچ او کی مسلسل معاونت پر شکریہ ادا کیا اور پاکستان کی جانب سے 2026 تک وائرس کی مکمل روک تھام کے ہدف کا اعادہ کیا۔

ملاقات میں پولیو کے خاتمے میں حاصل شدہ کامیابیوں کو برقرار رکھنے کے لیے PEI-EPI پروگرامز کی ہم آہنگی تیز کرنے کی درخواست بھی کی گئی۔ ڈاکٹر ٹیڈروس نے پاکستان میں پولیو کے خاتمے کے لیے ڈبلیو ایچ او کی مکمل تعاون کی یقین دہانی کرائی۔