ملک بھر میں 4 روز میں 4 کروڑ 22 لاکھ سے زائد بچوں کی پولیو ویکسینیشن مکمل

اسلام آباد: پاکستان میں 2026ء کی پہلی قومی انسدادِ پولیو مہم پانچویں روز بھی جاری ہے، جس میں گزشتہ چار دنوں کے دوران ملک بھر میں 4 کروڑ 22 لاکھ سے زائد بچوں کو پولیو کے قطرے پلائے جا چکے ہیں۔

نیشنل ایمرجنسی آپریشن سینٹر (NEOC) کے مطابق مہم پاکستان اور افغانستان میں بیک وقت منعقد کی جا رہی ہے۔ مہم میں انسدادِ پولیو کے لیے ملک بھر میں 4 لاکھ سے زائد ورکرز گھر گھر جا کر بچوں کو قطرے پلا رہے ہیں۔

اعداد و شمار کے مطابق صوبوں اور علاقوں کی صورتحال کچھ یوں ہے:

• پنجاب: 2 کروڑ 24 لاکھ سے زائد

• سندھ: 95 لاکھ 85 ہزار سے زائد

• خیبر پختونخوا: 67 لاکھ 64 ہزار سے زائد

• بلوچستان: تقریباً 20 لاکھ 55 ہزار

• اسلام آباد: 4 لاکھ 54 ہزار سے زائد

• گلگت بلتستان: 2 لاکھ 61 ہزار سے زائد

• آزاد کشمیر: 6 لاکھ 73 ہزار سے زائد

پولیو مہم کے دوران انسدادِ پولیو ورکرز کی کوششوں سے ملک بھر میں بچوں کی حفاظت کے لیے اقدامات تیز کیے جا رہے ہیں، تاکہ پاکستان کو پولیو سے پاک ملک بنانے کے ہدف کو حاصل کیا جا سکے۔