دنیا بھر کی طرح پاکستان میں بھی آج کینسر کا عالمی دن منایا جارہا ہے

دنیا بھر کی طرح پاکستان میں بھی کینسر کا عالمی دن منایا جا رہا ہے۔ یہ دن ہر سال 4 فروری کو منایا جاتا ہے اور اس کا مقصد موذی مرض کینسر کے بارے میں آگاہی پیدا کرنا، بروقت تشخیص اور علاج کی اہمیت اجاگر کرنا ہے۔

عالمی ادارہ صحت کے مطابق کینسر دنیا میں سب سے تیزی سے پھیلنے والا مرض بن چکا ہے، اور خدشہ ہے کہ 2032 تک مریضوں کی تعداد 2 کروڑ 50 لاکھ تک پہنچ سکتی ہے۔ ہر سال تقریباً 80 لاکھ افراد کینسر کے باعث دنیا سے رخصت ہو جاتے ہیں۔

پاکستان میں صورت حال سب سے زیادہ تشویشناک ہے، جہاں ہر سال تقریباً 3 لاکھ افراد کینسر میں مبتلا ہو جاتے ہیں۔ اس موقع پر عالمی سطح پر اتحاد، بروقت تشخیص اور علاج کی ضرورت پر زور دیا گیا ہے۔

اس دن کا بنیادی مقصد کینسر کی علامات کو سمجھنا، صحت مند طرز زندگی اپنانا اور بروقت طبی مشاورت کے ذریعے زندگی بچانا ہے۔