پاکستان اور انڈونیشیا کے درمیان طبی تعاون پر اتفاق

وفاقی وزیرِ صحت مصطفیٰ کمال نے انڈونیشیا کا دورہ کیا، جس میں پاکستان اور انڈونیشیا کے درمیان ویکسین کی تیاری اور مقامی پیداوار میں خودکفالت کو فروغ دینے پر تبادلۂ خیال کیا گیا۔

وزیر صحت مصطفیٰ کمال کا استقبال پاکستان کے سفیر برائے انڈونیشیا نے کیا۔ دورے کے دوران وہ ویکسین ساز کمپنی بایئو فارما کے صدر ڈائریکٹر شادق اکاسیا سے بھی ملاقات کے لیے گئے، جہاں ٹیکنالوجی کی منتقلی اور استعداد کار بڑھانے پر بات ہوئی۔

مصطفی کمال نے کہا کہ پاکستان ویکسین کی تیاری کے شعبے میں انڈونیشیا کے تجربات سے استفادہ کرنا چاہتا ہے اور اپنی ویکسین پروڈکشن سہولت قائم کرنے کے لیے انڈونیشیا کے ساتھ قریبی اور عملی تعاون کا خواہاں ہے۔