وفاقی وزیرِ صحت مصطفیٰ کمال انڈونیشیا کے دورے پر، صحت کے شعبے میں تعاون پر بات چیت

جکارتہ: وفاقی وزیرِ صحت مصطفیٰ کمال انڈونیشیا کے سرکاری دورے پر جکارتہ پہنچ گئے ہیں۔ ترجمان وزارتِ صحت کے مطابق جکارتہ انٹرنیشنل ایئرپورٹ پر پاکستان کے سفیر برائے انڈونیشیا نے ان کا استقبال کیا۔

ترجمان کے مطابق دورے کے دوران وفاقی وزیرِ صحت انڈونیشیا کے اعلیٰ حکام سے ملاقاتیں کریں گے، جن میں صحت، طبی تعاون، ہیلتھ سیکیورٹی اور پبلک ہیلتھ کے فروغ سے متعلق امور پر تبادلۂ خیال کیا جائے گا۔

وزارتِ صحت کا کہنا ہے کہ یہ دورہ پاکستان اور انڈونیشیا کے درمیان صحت کے شعبے میں شراکت داری کو مزید وسعت دینے میں اہم ثابت ہوگا، جبکہ مشترکہ اقدامات اور تجربات سے دونوں ممالک کو فائدہ پہنچے گا۔