سال 2026 کی پہلی قومی انسدادِ پولیو مہم دوسرے روز بھی جاری

پاکستان بھر میں سال 2026 کی پہلی قومی انسدادِ پولیو مہم دوسرے روز بھی جاری ہے۔ نیشنل ایمرجنسی آپریشن سینٹر (نیشنل ای او سی) کے مطابق ملک بھر میں 4 لاکھ سے زائد پولیو ورکرز گھر گھر جا کر بچوں کو پولیو کے قطرے پلا رہے ہیں۔

پولیو مہم پاکستان اور افغانستان میں بیک وقت منعقد کی جا رہی ہے۔ پہلے روز ملک بھر میں 1 کروڑ 36 لاکھ سے زائد بچوں کی ویکسینیشن مکمل ہو چکی ہے۔

صوبوں کے حوالے سے اعداد و شمار کے مطابق:

• پنجاب: 73 لاکھ 77 ہزار سے زائد بچوں کو قطرے پلائے گئے۔

• سندھ: 30 لاکھ 2 ہزار بچوں کو قطرے دیے گئے۔

• خیبر پختونخوا: 22 لاکھ 75 ہزار سے زائد بچوں کو ویکسینیشن کی گئی۔

• بلوچستان: 5 لاکھ 59 ہزار سے زائد بچوں کو قطرے پلائے گئے۔

• اسلام آباد: تقریباً 1 لاکھ 53 ہزار بچوں کو ویکسین دی گئی۔

• گلگت بلتستان: تقریباً 82,000 بچوں کو قطرے پلائے گئے۔

• آزاد جموں و کشمیر: 2 لاکھ 33 ہزار بچوں کو ویکسینیشن کی گئی۔

نیشنل ای او سی نے والدین سے اپیل کی ہے کہ پولیو ایک لاعلاج بیماری ہے جو بچوں کو زندگی بھر کے لیے معذور کر سکتی ہے، لہٰذا پولیو ورکرز کے لیے دروازے کھولیں اور اپنے بچوں کو پولیو کے قطرے لازمی پلائیں