ذیابیطس جیسے مرض سے بچنے کیلئے روزانہ کتنے گھنٹے کی نیند مثالی ہوتی ہے؟

نئی تحقیق میں بتایا گیا ہے کہ ذیابیطس ٹائپ 2 سے بچاؤ کے لیے ہر رات اوسطاً 7 گھنٹے 19 منٹ کی نیند ضروری ہے۔ ہفتہ وار تعطیل پر 8 گھنٹے کی نیند بہترین اثرات مرتب کرتی ہے۔

امریکا کے نیشنل ہیلتھ اینڈ نیوٹریشن ایگزمینیشن سروے کے 23 ہزار افراد کے ڈیٹا کا تجزیہ کرنے کے بعد معلوم ہوا کہ نیند کے دورانیے اور انسولین کی حساسیت کے درمیان تعلق موجود ہے، جو ذیابیطس کے خطرے کو بڑھانے یا کم کرنے میں کردار ادا کرتا ہے۔

تحقیق میں یہ بھی دریافت ہوا کہ اگر عام دنوں میں نیند کم ہو تو ہفتہ وار تعطیلات پر اضافی 2 گھنٹے کی نیند انسولین کی حساسیت بہتر کرنے میں مددگار ثابت ہو سکتی ہے۔ محققین نے زور دیا کہ ہر رات ایک مقررہ وقت پر سونا اور صبح ایک وقت پر جاگنا صحت کے لیے ضروری ہے۔