مچھلی کے تیل کے کیپسول روزانہ کھانے کا بہترین فائدہ دریافت

ایک نئی طبی تحقیق کے مطابق جن افراد کے خون میں اومیگا تھری فیٹی ایسڈز کی سطح زیادہ ہوتی ہے، ان میں ڈپریشن کا خطرہ 15 سے 33 فیصد اور انزائٹی کا خطرہ 19 سے 22 فیصد تک کم ہو جاتا ہے۔ محققین کا ماننا ہے کہ اگرچہ اس کے مکمل اسباب ابھی واضح نہیں، تاہم مچھلی کا تیل خون کے بہاؤ کو بہتر بناتا ہے اور دماغ میں مزاج کو خوشگوار رکھنے والے مرکبات کو متحرک کرتا ہے۔ تحقیق میں یہ تشویشناک انکشاف بھی ہوا ہے کہ دنیا بھر میں 75 فیصد افراد اومیگا تھری کی مطلوبہ مقدار حاصل نہیں کر رہے۔ ماہرین کے مطابق موجودہ عہد میں ہر عمر کے افراد ڈپریشن کا شکار ہو رہے ہیں، جو نہ صرف دماغی بلکہ جسمانی صحت کے لیے بھی سنگین مسائل پیدا کرتا ہے۔