’جو‘ کھانا کولیسٹرول کی سطح پر حیران کن اثر ڈال سکتا ہے: تحقیق

جرمنی کی یونیورسٹی آف بون کے محققین نے انکشاف کیا ہے کہ ‘جو’ (Oats) کا استعمال کولیسٹرول کی سطح کو تیزی سے کم کرنے کی غیر معمولی صلاحیت رکھتا ہے۔ تحقیق کے مطابق میٹابولک سنڈروم اور ذیابیطس کے خطرے سے دوچار افراد کو جب محض دو دن تک دن میں تین بار دلیہ دیا گیا، تو ان کے خون میں موجود چکنائی اور کولیسٹرول کی سطح میں نمایاں بہتری دیکھی گئی۔ ماہرین کا کہنا ہے کہ اس مختصر دورانیے کی غذا کے مثبت اثرات چھ ہفتوں بعد بھی برقرار رہے، جو دل کی صحت کے لیے ایک بڑی خوشخبری ہے۔