این آئی سی وی ڈی کراچی میں دل میں پیوست گولی نکال کر 12 سالہ بچے کی جان بچالی گئی

نیشنل انسٹی ٹیوٹ آف کارڈیو ویسکولر ڈیزیز (NICVD) کراچی کے ماہر ڈاکٹروں اور پیڈیاٹرک کارڈیک سرجنز نے ایک کامیاب اور انتہائی پیچیدہ قلبی سرجری (Open Heart Surgery) کے ذریعے 12 سالہ بچے کے دل میں پیوست گولی نکال کر اس کی جان بچا لی ہے۔ بلوچستان کے ضلع خضدار سے تعلق رکھنے والے اس بچے کو دل میں گولی لگنے کے بعد انتہائی تشویشناک حالت میں فوری طور پر کراچی منتقل کیا گیا تھا، جہاں ڈاکٹروں کی بروقت حکمتِ عملی اور مہارت نے معصوم بچے کو نئی زندگی بخشی۔