این آئی سی وی ڈی کی خصوصی پروگرام کے تحت بچوں کی 500 سرجریز مکمل

نیشنل انسٹیٹیوٹ آف کارڈیو ویسکیولر ڈیزیزز (NICVD) کراچی نے بچوں میں دل کی بے ترتیب دھڑکن (Pediatric Electrophysiology) کے علاج کے لیے قائم اپنے خصوصی پروگرام کے تحت 500 کامیاب سرجریز مکمل کر کے ایک نیا سنگ میل عبور کر لیا ہے۔ پاکستان میں اپنی نوعیت کے اس واحد اور پہلے پروگرام کے تحت اب تک کی گئی تمام سرجریز پر آنے والی مجموعی لاگت تقریباً 1 ارب روپے بنتی ہے، تاہم سندھ حکومت کی معاونت سے یہ تمام مہنگا اور جدید ترین علاج مستحق بچوں کو بالکل مفت فراہم کیا گیا ہے۔