سٹاک مارکیٹ میں نیا ریکارڈ! انڈیکس ایک لاکھ 75 ہزار پوائنٹس کی حد کو چھو گیا

پاکستان اسٹاک ایکسچینج میں ریکارڈز بننے کا سلسلہ بدستور جاری ہے۔ کاروباری ہفتے کے تیسرے روز بھی ٹریڈنگ کے آغاز پر مارکیٹ میں زبردست تیزی دیکھی گئی۔

ٹریڈنگ کے دوران 500 سے زائد پوائنٹس کے اضافے کے ساتھ پاکستان اسٹاک مارکیٹ کا ہنڈرڈ انڈیکس تاریخ کی بلند ترین سطح 1 لاکھ 75 ہزار 29 پوائنٹس تک پہنچ گیا۔

واضح رہے کہ گزشتہ کاروباری دن کے اختتام پر ہنڈرڈ انڈیکس 1 لاکھ 74 ہزار 472 پوائنٹس پر بند ہوا تھا، جس کے بعد آج کی تیزی نے سرمایہ کاروں کے اعتماد کو مزید مضبوط کر دیا ہے۔