پنجاب حکومت کا لاہور میں ’نواز شریف میڈیکل ڈسٹرکٹ‘ قائم کرنے کا منصوبہ

پنجاب حکومت نے صحت کے شعبے میں ایک اور سنگ میل عبور کرتے ہوئے لاہور میں ‘نواز شریف میڈیکل ڈسٹرکٹ’ قائم کرنے کا منصوبہ تیار کر لیا ہے۔ 1500 کنال سے زائد اراضی پر محیط اس منصوبے کا پی سی ون اور تھری ڈی ڈیزائن مکمل ہو چکا ہے۔ اس میڈیکل ڈسٹرکٹ کی خاص بات یہاں بننے والا ‘بایو ڈائیورسٹی پارک’ اور جدید گرین سپیس ہے جو شہریوں کو علاج کے ساتھ خوشگوار ماحول بھی فراہم کرے گا۔ منصوبے کے تحت ہیلی پیڈ، گیس اسٹیشن اور وسیع کمرشل ایریاز بھی تعمیر کیے جائیں گے۔ سب سے پہلے 17 ارب 80 کروڑ روپے کی لاگت سے ‘انسٹیٹیوٹ آف اوپتھامولوجی’ کی تعمیر شروع کی جائے گی۔