گرین تھراپی: شہریوں کے ذہنی سکون کا ایک آسان حل

ماہرِ ماحولیات اور ویسٹ مینجمنٹ ایکسپرٹ طارق علی نظامانی نے کہا ہے کہ آج کے تیز رفتار شہری ماحول میں شجرکاری، پودوں کی دیکھ بھال اور صفائی ستھرائی جیسی سرگرمیاں انسان کو نہ صرف ماحول سے جوڑتی ہیں بلکہ ذہنی دباؤ اور اضطراب سے نجات دلا کر سکون بھی فراہم کرتی ہیں۔ ان کے مطابق کراچی جیسے بڑے شہروں میں جہاں شہری مہنگائی، روزگار اور سماجی دباؤ کے باعث ذہنی تناؤ کا شکار ہیں، وہاں گھر، گلی يا دفتر کے آس پاس تھوڑی سی جگہ کو سرسبز بنانا اور کچرے کو مناسب طریقے سے ٹھکانے لگانا مثبت اور تعمیری مصروفیات کا باعث بنتا ہے۔

طارق علی نظامانی کا کہنا تھا کہ سرسبز اور صاف ماحول صرف خوبصورتی کے لیے نہیں بلکہ انسانی سکون اور بہتر طرزِ زندگی کے لیے بھی ضروری ہے۔ اگرچہ شدید ذہنی دباؤ یا ڈپریشن کی صورت میں پیشہ ورانہ طبی و نفسیاتی مدد حاصل کرنا ضروری ہے، تاہم فطرت کے قریب وقت گزارنا اور ماحول دوست سرگرمیاں اپنایا جانا مجموعی ذہنی صحت کو برقرار رکھنے میں اہم کردار ادا کرتا ہے۔