انسدادِ پولیو مہم، 1 کروڑ 74 لاکھ سے زائد بچوں کی ویکسینیشن مکمل

پاکستان کو پولیو فری ملک بنانے کے عزم کے تحت ملک کے 79 مخصوص اور ہائی رسک اضلاع میں انسدادِ پولیو کی خصوصی مہم پانچویں روز بھی کامیابی سے جاری ہے۔ پولیو مہم کے ابتدائی چار دنوں کے دوران ملک بھر میں اب تک 1 کروڑ 74 لاکھ سے زائد بچوں کو پولیو سے بچاؤ کے حفاظتی قطرے پلائے جا چکے ہیں۔

گذشتہ 18 مئی سے شروع ہونے والی یہ ملک گیر مہم 24 مئی 2026 تک بلاتعطل جاری رہے گی۔ نیشنل ایمرجنسی آپریشنز سنٹر (EOC) کے مطابق، اس خصوصی مہم کے دوران 5 سال تک کی عمر کے تقریباً 1 کروڑ 90 لاکھ بچوں کو قطرے پلانے کا مجموعی ہدف مقرر کیا گیا ہے، جس کی تکمیل کے لیے ٹیمیں متحرک ہیں۔

بچوں کو عمر بھر کی معذوری سے محفوظ بنانے کے اس عظیم مشن میں ملک بھر کے اندر 1 لاکھ 63 ہزار سے زائد پولیو ورکرز (فرنٹ لائن ہیلتھ ورکرز) شدید موسم کے باوجود گھر گھر جا کر فرائض انجام دے رہے ہیں۔

چار دنوں کے دوران صوبائی اور علاقائی سطح پر پولیو قطروں کی فراہمی کے سرکاری اعدادوشمار درج ذیل ہیں:

نیشنل ای او سی نے ملک بھر کے والدین سے مہم کو سو فیصد کامیاب بنانے کے لیے پرزور اپیل کی ہے کہ وہ اپنے بچوں کے روشن مستقبل کے لیے گھروں کے دروازے کھولیں اور پانچ سال تک کی عمر کے ہر بچے کو اس مہم اور آنے والی تمام مہمات کے دوران پولیو کے قطرے لازمی پلوائیں۔

حکام کی جانب سے واضح کیا گیا ہے کہ اگر کسی علاقے میں پولیو ٹیم نہ پہنچی ہو یا کسی بھی قسم کی شکایت درج کروانی ہو، تو شہری فوری رہنمائی اور رابطہ کرنے کے لیے پولیو ہیلپ لائن 1166 پر کال کر سکتے ہیں یا واٹس ایپ نمبر 03467776546 پر پیغام بھیج سکتے ہیں۔