وفاقی وزیر صحت کی زیر صدارت جعلی ادویات کے خاتمے کیلئے 2 بار کوڈ کے ٹرائل کا جائزہ

وفاقی وزیرِ صحت مصطفیٰ کمال کی زیرِ صدارت ملک بھر سے جعلی ادویات کے خاتمے کے لیے ادویات پر 2D بار کوڈ اور ‘سیریلائزیشن’ (Serialization) کے نفاذ اور ٹرائلز کا تفصیلی جائزہ اجلاس منعقد ہوا۔ اجلاس میں سی ای او ڈریپ (DRAP) اور سی ای او این آئی ٹی بی نے شرکت کی، جہاں وزیرِ صحت نے اعلان کیا کہ 9 اکتوبر کے بعد تیار ہونے والی تمام مقامی و درآمدی ادویات پر 2D بار کوڈ لگانا لازمی ہو گا۔ اس ٹیکنالوجی کے تحت عام شہری اور میڈیکل اسٹورز ایک خصوصی موبائل ایپ کے ذریعے دوا کے اصلی یا نقلی ہونے، اس کی مقررہ قیمت اور تاریخِ تنسیخ (Exp Date) کی فوری تصدیق کر سکیں گے۔ ڈریپ نے فارماسٹیکل کمپنیوں کی تربیت مکمل کر لی ہے جبکہ یہ نظام انسانی ادویات کے ساتھ ساتھ ویٹرنری اور پولٹری ڈرگز پر بھی یکساں نافذ العمل ہو گا۔