ملتان: نشتر ہسپتال میں زیر علاج مریض میں منکی پاکس کی تصدیق

نشتر ہسپتال ملتان میں زیر علاج ایک مریض میں منکی پاکس کی تصدیق ہو گئی ہے۔ ترجمان نشتر ہسپتال کے مطابق مریض کا تعلق خانیوال سے ہے۔

ترجمان نے بتایا کہ مریض کو نشتر ہسپتال کے آئیسولیشن وارڈ میں داخل کر کے علاج جاری ہے، جبکہ طبی عملہ مریض کی مسلسل نگرانی کر رہا ہے۔

محکمہ صحت کے مطابق مریض کی حالت قابو میں ہے اور تمام حفاظتی اقدامات پر عمل کیا جا رہا ہے تاکہ وائرس کے پھیلاؤ کو روکا جا سکے۔ شہریوں کو ہدایت کی گئی ہے کہ وہ احتیاطی تدابیر اختیار کریں اور افواہوں سے گریز کریں۔