منکی پاکس وائرس نے خطرے کی گھنٹی بجا دی

لاہور میں ایک بار پھر منکی پاکس وائرس نے خطرے کی گھنٹی بجا دی ہے، جہاں میو اسپتال میں مزید تین نئے کیسز سامنے آئے ہیں۔ محکمہ صحت پنجاب کی لیب رپورٹ نے متاثرہ مریضوں میں وائرس کی موجودگی کی تصدیق کر دی ہے، جس کے بعد اسپتال انتظامیہ اور طبی عملے کو ہائی الرٹ کر دیا گیا ہے۔
وائرس کا شکار ہونے والوں میں دو خواتین اور ایک نوجوان مرد شامل ہ۔
متاثرہ خواتین کی عمریں 35 اور 43 سال ہیں، جبکہ متاثرہ نوجوان کی عمر 23 سال بتائی گئی ہے۔
تینوں مریضوں کو فوری طور پر میو اسپتال کے خصوصی آئسولیشن وارڈ میں منتقل کر دیا گیا ہے جہاں انہیں طبی امداد فراہم کی جا رہی ہے۔

محکمہ صحت کے حکام کا کہنا ہے کہ متاثرہ افراد کے قریبی رابطوں کی تلاش (Contact Tracing) شروع کر دی گئی ہے تاکہ وائرس کے پھیلاؤ کو روکا جا سکے۔ شہریوں کو مشورہ دیا گیا ہے کہ وہ احتیاطی تدابیر اختیار کریں اور کسی بھی مشکوک علامت کی صورت میں فوری طور پر قریبی طبی مرکز سے رجوع کریں۔