سگریٹ نوشی ترک کروانے میں موبائل فون مددگار قرار!

تحقیق میں انکشاف ہوا ہے کہ موبائل فون پر حوصلہ افزا ٹیکسٹ پیغامات بھیجنے سے ٹی بی کے مریضوں میں سگریٹ نوشی ترک کرنے کے امکانات تین گنا بڑھ گئے۔ جاما میں شائع نتائج کے مطابق پاکستان اور بنگلادیش میں 1080 ٹی بی مریضوں پر کیے گئے ٹرائل میں 720 افراد کو سگریٹ نوشی چھوڑنے کے لیے باقاعدہ ٹیکسٹ پیغامات بھیجے گئے، جن میں سے بڑی تعداد نے چھ ماہ تک سگریٹ نوشی ترک کی۔ تحقیق کے سربراہ پروفیسر کامران صدیقی کے مطابق سگریٹ نوشی ترک کرنے سے ٹی بی کے مریض جلد صحت یاب ہو سکتے ہیں۔