مشرقِ وسطیٰ کی جنگ سے پاکستان کا پولیو پروگرام متاثر ہونے کا خدشہ

مشرقِ وسطیٰ میں جاری جنگ کے باعث پاکستان کے پولیو پروگرام کو متاثر ہونے کا خدشہ پیدا ہو گیا ہے۔ ایک رپورٹ کے مطابق پولیو لیبارٹری کے تقریباً 1.6 ملین ڈالر مالیت کے طبی سامان دبئی میں رکا ہوا ہے، جس کی بروقت ترسیل ممکن نہیں ہو پا رہی۔

ماہرین صحت کا کہنا ہے کہ اگر یہ سامان جلد پاکستان نہ پہنچا تو پولیو ویکسین کی فراہمی اور وائرس کی تشخیص کے لیے جاری ٹیسٹنگ مہم متاثر ہو سکتی ہے۔ ان کا کہنا ہے کہ پولیو کے خاتمے کے لیے جاری کوششوں میں لیبارٹری سامان کی بروقت دستیابی نہایت اہم ہے۔

حکام کے مطابق صورت حال پر نظر رکھی جا رہی ہے اور سامان کی جلد از جلد ترسیل کے لیے مختلف آپشنز پر غور کیا جا رہا ہے تاکہ پولیو کے خلاف جاری مہم متاثر نہ ہو۔