ایم بی بی ایس اور بی ڈی ایس کیلئے ٹیوشن فیس کی حد مقرر

وزیراعظم کی قائم کردہ کمیٹی کی سفارشات کی روشنی میں پی ایم ڈی سی نے ایم بی بی ایس اور بی ڈی ایس کے نجی کالجز کے لیے ٹیوشن فیس کی حد طے کر دی ہے۔

پی ایم ڈی سی کے نوٹیفکیشن کے مطابق، نجی میڈیکل اور ڈینٹل کالجز میں ٹیوشن فیس 18 لاکھ روپے سالانہ ہوگی، جس میں تمام ضمنی چارجز شامل ہیں۔سیکشن 2025-2024 کے تمام طلبہ پر 18 لاکھ روپے فیس لاگو ہوگی۔ جبکہ سیکشن 2026-2025 کے لیے فیس میں 5 فیصد اضافہ کر کے 18.9 لاکھ روپے مقرر کی گئی ہے۔ بعد ازاں ٹیوشن فیس میں اضافہ کنزیومر پرائس انڈیکس (CPI) کی بنیاد پر ہوگا اور اس حوالے سے الگ نوٹیفکیشن جاری کیا جائے گا۔پی ایم ڈی سی نے نجی میڈیکل اور ڈینٹل کالجز کو سختی سے ہدایت کی ہے کہ وہ اس فیس کی حد پر عمل کریں، اور خلاف ورزی کی صورت میں پی ایم ڈی سی ایکٹ 2022 کے تحت قانونی کارروائی ہوگی۔