میگنیشیم کی کمی کس دماغی بیماری کا خطرہ بڑھا دیتی ہے؟

طبی ماہرین نے خبردار کیا ہے کہ جسم میں میگنیشیم کی کمی دماغی صحت پر منفی اثر ڈال سکتی ہے اور ڈیمنشیا کے خطرے کو بڑھا سکتی ہے۔ ماہرین کے مطابق میگنیشیم دماغی خلیات کو تحفظ دیتا، سوزش کم کرتا اور اعصابی نظام کو بہتر بناتا ہے۔ تحقیق سے معلوم ہوا ہے کہ کم میگنیشیم کی سطح یادداشت کی کمزوری اور ذہنی صلاحیتوں میں کمی سے جڑی ہو سکتی ہے۔ ماہرین صحت سبز پتوں والی سبزیاں، گری دار میوے، دالیں اور ثابت اناج کے استعمال کی تجویز دیتے ہیں تاکہ میگنیشیم کی مناسب مقدار برقرار رکھی جا سکے۔