میڈیکل اور ڈینٹل کالجوں میں داخلوں کی آخری تاریخ میں توسیع

یونیورسٹی آف ہیلتھ سائنسز (UHS) نے میڈیکل اور ڈینٹل کالجوں میں داخلوں کے لیے آن لائن درخواستیں جمع کرانے کی آخری تاریخ میں اہم توسیع کر دی ہے۔

سرکاری میڈیکل کالجوں میں داخلوں کیلئے درخواستیں جمع کرانے کی نئی آخری تاریخ 30 نومبر 2025 مقرر کی گئی ہے، جبکہ پرائیویٹ میڈیکل کالجوں میں درخواستیں جمع کروانے کی ڈیڈ لائن 15 دسمبر 2025 تک بڑھا دی گئی ہے۔یہ فیصلہ سیکرٹری اسپیشلائزڈ ہیلتھ کیئر عظمت محمود کی زیرِ صدارت صوبائی داخلہ کمیٹی کے اجلاس میں کیا گیا، جس میں سرکاری میڈیکل یونیورسٹیوں کے وائس چانسلر بطور ممبران شریک ہوئے۔ترجمان یو ایچ ایس کے مطابق سرکاری ڈینٹل کالجوں میں داخلوں کے لیے درخواستیں جمع کرانے کی نئی تاریخ 31 دسمبر 2025 مقرر کی گئی ہے، جبکہ پرائیویٹ ڈینٹل کالجوں میں داخلوں کے لیے آن لائن اپلائی کرنے کی آخری تاریخ 15 جنوری 2026 ہوگی۔