نجی یونیورسٹی کی طالبہ علاج مکمل ہونے پر جنرل اسپتال سے ڈسچارج

لاہور کی نجی یونیورسٹی سے چھلانگ لگانے والی طالبہ کی حالت میں نمایاں بہتری کے بعد اسے لاہور جنرل اسپتال سے ڈسچارج کر دیا گیا۔

اسپتال حکام کے مطابق طالبہ 12 دن تک اسپتال میں زیرِ علاج رہی، جہاں اس کے ریڑھ کی ہڈی اور دیگر متاثرہ ہڈیوں کے کامیاب آپریشن کیے گئے۔ ماہر ڈاکٹروں کی نگرانی میں طالبہ کو مکمل اور جدید طبی سہولیات فراہم کی گئیں۔

انتظامیہ کا کہنا ہے کہ علاج مکمل ہونے اور طبی حالت مستحکم ہونے پر طالبہ کو گھر بھیج دیا گیا ہے۔ طالبہ کو مزید صحت یابی کے لیے ادویات فراہم کی گئی ہیں اور فالو اپ وزٹس سے متعلق ہدایات بھی جاری کر دی گئی ہیں۔