خیبر پختونخوا: 1ہفتے میں ڈینگی کے 35 کیسز رپورٹ

محکمہ صحت خیبر پختونخوا نے صوبے میں ڈینگی وائرس کی صورتحال پر تازہ اعداد و شمار جاری کر دیے ہیں، جن کے مطابق گزشتہ 01 ہفتے کے دوران صوبے بھر سے ڈینگی کے 35 نئے کیسز رپورٹ ہوئے ہیں۔ محکمہ صحت کے ترجمان کے مطابق رواں سال خیبر پختونخوا میں ڈینگی متاثرین کی مجموعی تعداد 250 تک پہنچ گئی ہے، تاہم خوش آئند بات یہ ہے کہ اب تک ڈینگی سے کوئی ہلاکت رپورٹ نہیں ہوئی۔ صوبائی دارالحکومت پشاور وائرس سے سب سے زیادہ متاثر ہوا ہے جہاں مجموعی طور پر 134 کیسز کی تصدیق کی جا چکی ہے۔ محکمہ صحت نے مزید بتایا کہ انسدادِ ڈینگی مہم کے تحت اضلاع کے مختلف گھروں، پانی کی ٹنکیوں اور بالٹیوں کا معائنہ کیا گیا جس کے دوران 1,488 مقامات پر پانی میں پایا جانے والا ڈینگی لاروا موقع پر ہی تلف کر دیا گیا۔