ٹانک میں 4 پولیو ورکرز کے اغوا پر تشویش: گورنر خیبرپختونخوا کا بحفاظت بازیابی کے لیے فوری اقدامات کا مطالبہ

گورنر خیبر پختونخوا فیصل کریم کنڈی نے ضلع ٹانک میں 4 پولیو ورکرز کے اغوا کے واقعے پر شدید تشویش کا اظہار کرتے ہوئے مغویوں کی بحفاظت اور جلد بازیابی کے لیے فوری اقدامات کرنے کا مطالبہ کیا ہے۔ اپنے ایک بیان میں گورنر فیصل کریم کنڈی نے واقعے کی پرزور مذمت کرتے ہوئے کہا کہ پولیو ورکرز بچوں کے محفوظ اور صحت مند مستقبل کے لیے قومی فریضہ انجام دے رہے ہیں اور ان کو نشانہ بنانا انسانیت اور قومی مفاد کے خلاف ہے۔ انہوں نے مزید زور دیا کہ پولیو ٹیموں کو مکمل سیکورٹی فراہم کرنا حکومت کی بنیادی ذمہ داری ہے اور اس سلسلے میں کسی بھی قسم کی غفلت برتنے کی گنجائش نہیں۔