جاپان کاپاکستان انسدادِ پولیو پروگرام کیلئے 3.5 ملین ڈالر گرانٹ کا اعلان
Web Desk
18 November 2025
نیشنل ای او سی کے مطابق اِس گرانٹ کے ذریعے 24 لاکھ سے زائد پولیو ویکسین کی خوراکیں خریدی جائیں گی۔
اِس حوالے سے وفاقی دارالحکومت میں تقریب کا اہتمام کیا گیا جس میں جاپان اور یونیسیف کے درمیان معاہدے پر دستخط ہوئے، گرانٹ سے پولیو وائرس کے پھیلاؤ کو روکنے اور گزشتہ کامیابیوں کو برقرار رکھنے میں مدد ملے گی۔
نیشنل ای او سی نے بتایا کہ پاکستان دُنیا کے اُن دو ممالک میں سے ایک ہے جہاں پولیو وائرس اب بھی موجود ہے، اس سال اب تک پولیو کے 30 کیسز رپورٹ ہو چکے ہیں، پولیو کے خاتمے کے لیے مشترکہ اور مربوط حکمتِ عملی پر تیزی سے عمل جاری ہے۔
دوسری جانب وزیراعظم کی فوکل پرسن برائے انسدادِ پولیو عائشہ رضا فاروق کا کہنا تھا کہ پولیو کے خاتمے کے لیے جاپان کے مسلسل تعاون پر شکر گزار ہیں، یہ شراکت داری مالی امداد سے بڑھ کر یکجہتی اور مشترکہ مقصد کی علامت ہے۔عائشہ رضا فاروق نے کہا کہ پولیو ویکسین کی ہر خوراک پاکستان کو پولیو سے پاک منزل کے مزید قریب لے آتی ہے، پاکستان میں تعینات جاپان کے سفیر نے پاکستان کی صحت عامہ کی ترجیحات کے لیے اپنے طویل المدتی عزم کا اعادہ کیا۔نیشنل ای او سی کا مزید کہنا تھا کہ جاپان کی حکومت 1996 سے پاکستان میں پولیو کے خاتمے کی دیرینہ شراکت دار ہے،جاپان نے پولیو کے خلاف جنگ میں 245 ملین ڈالر سے زائد گرانٹس اور قرضے فراہم کیے، جاپان کی 245 ملین ڈالر کی معاونت پولیو فری پاکستان کے ہدف میں اہم کردار ادا کر رہی ہے۔
متعلقہ عنوانات
جنگلاتی آگ کا دھواں، کینسر کی مختلف اقسام کے خطرات میں اضافے کا سبب!
22 April 2026
کانٹیکٹ لینز کے ساتھ نہانا مہنگا پڑ گیا، نوجوان لڑکی بینائی سے محروم
22 April 2026
آن لائن ادویات فروخت کرنے والی دو سے تین ویب سائٹس کو نوٹسز جاری
22 April 2026
وزیراعلیٰ مریم نواز کا مہلک بیماریوں سے بچاؤ کیلئے صوبہ گیر عوامی مہم چلانے کا فیصلہ
21 April 2026
پی ایم اینڈ ڈی سی کی ہاؤس جاب میں داخلے کیلئے نئی ہدایات جاری
21 April 2026
ڈریپ کا آن لائن ادویات کی غیر قانونی فروخت اور تشہیر پر سخت ایکشن، ویب سائٹس بلاک کرنے کی درخواست
21 April 2026
جسم میں آئرن کی کمی کسی دماغی بیماری کے خطرات کا سبب ہو سکتی ہے؟
20 April 2026
آنتوں میں موجود بیکٹیریا کا خطرناک بیماری کے لوٹنے سے تعلق کا انکشاف!
20 April 2026